Хүүхдийн цусан дахь билирубины хэмжээ ихэссэнээр арьс салст шарлах шинжээр илэрдэг эмгэгийг Нярайн шарлалт гэж нэрлэнэ. Шарлалт нь гүйцэт төрсөн нийт хүүхдүүдийн 60-70 орчим хувьд нь илэрдэг. Тэгвэл дутуу төрсөн нярайд 80хувьд тохиолддог байна.
Яагаад хүүхэд шарладаг вэ?
- Цусны чухал хэсэг болох хүчил төрөгч зөөвөрлөх үүрэгтэй Улаан эс хөгширөхөд дэлүү тэдгээрийг таньж цуснаас шүүн устгадаг
- Дэлүүнд задарсан улаан эснээс билирубин хэмээх шар өнгөтэй, хорт бодис чөлөөлөгдөж элгэнд очиж тэндээ хоргүйжүүлэгдэн биеэс баасаар гардаг. зайлуулагдана.
- Харин нярай хүүхдэд ураг байх үед нь цусанд улаан эс их хэмжээтэй үүсдэг. Мөн нярай хүүхдийн улаан эсийн амьдрах хугацаа богино буюу 70-90 хоног байна. Хүүхэд төрмөгц эдгээр улаан эсүүд задарч биед билирубин их хэмжээтэйгээр ялгардаг.
- Гэтэл нярай хүүхдийн элэг энэхүү билирубиныг бүгдийг нь хоргүйжүүлэх хэмжээнд гүйцэт хөгжөөгүй тул цусанд билирубин ихсэж арьс, салст, нүдний цагааныг шарладаг.
Нярайн шарлалтын үед ямар ямар шинж илрэх вэ?
- Эхээс төрснөөс хойш 2-3 хоногтойд хүүхдийн арьс шарлаж (шар өнгөтэй болох) эхэлдэг.
- Толгой, нүүр болон цээж, хэвлий, хөл гээд биеийн дээрээс доош шарладаг. Шарлалт 10-14 хоногийн дотор арилах ёстой байдаг.
- Хэрэв 14 хоногоос удаан хугацаанд үргэлжилвэл эмгэг шарлалтанд тооцогддог. Учир нь удаан хугацаанд шарлавал цусан дахь билирубины хэмжээ хэт ихсэж нь хүүхдийн уураг тархийг эргэшгүйгээр гэмтээх аюултай. Үүнийг Цөмийн шарлалт гэнэ. Шарлалттай хүүхэд унтаарч сул унжгар болон, хөхөө хөхөхгүй болох, бөөлжих, сэрэхгүй байнга унтах эсвэл байнга чангаар бахирч уйлах шинж илэрвэл ЯАРАЛТАЙ эмчид хандах хэрэгтэй.
Шарлалт болон хүндрэлээс сэргийлэх зорилгоор:
-
Хүүхдийг дааруулахгүй , дулаан байлгаж , сайтар хөхүүлэх хэрэгтэй. Хамгийн сайн цадаж байгаа нярай хамгийн ихдээ 3 цагийн дараа дахин хөхөж, шээж, баасны гаралт хангалттай сайн байх ёстой.
-
Нярайн арьс шар, ялангуяа гарын алга, хөлийн ул шар туяатай байх, цочромхой, хөхөндөө муудах, нойр хямрах, эсвэл хүүхэд унтаарах, хөдөлгөөн сулрах зэрэг шинж тэмдэг илрэх эсвэл шарлалт 10-аас илүү хоногоор үргэлжилбэл заавал эмчид хандана.
-
Ургамлаас гарган авдаг ЛИВ.52 сироп нь цөсний ялгаралтыг эрчимжүүлж, хоолны шингэц, боловсруулалтыг сайжруулна. Элэгний эсийн нөхөн сэргээлтийг сайжруулснаар элэгний үйл ажиллагааг сайжруулан тогтворжуулна, бодисын солилцоог тэнцвэржүүлнэ. Та өөрийн нярайдаа 5-10 дуслаар өдөрт 3 удаа ууж шарлалт болон хүндрэлээс сэргийлээрэй. Агар фармын бүх салбараар худалдаалж байна.
Эх сурвалжууд
- https://www.mayoclinic.org/diseases-conditions/infant-jaundice/symptoms-causes/syc-20373865
- https://www.ncbi.nlm.nih.gov/books/NBK532930/
- https://www.msdmanuals.com/professional/pediatrics/metabolic,-electrolyte,-and-toxic-disorders-in-neonates/neonatal-hyperbilirubinemia
