Бүгд Найрамдах Энэтхэг Улсаас Монгол Улсад суух Элчин сайдын яамнаас зохион байгуулж буй Аюурведийн өдөрлөгт Цахиур төмөр ХХК хамтран оролцлоо.
5000 жилийн түүхтэй Аюурведийн анагаах ухаан нь "амьдрал" (аюур) болон "мэдлэг, ухаан" (вед) гэсэн “Амьдралын шинжлэх ухаан” гэсэн санскрит үг юм. Аюурведа нь зөвхөн өвчнийг эмчлэх бус, урьдчилан сэргийлэх, эрүүл мэндийг хадгалах, урт удаан амьдрахад чиглэсэн цогц шинжлэх ухаан гэдгээрээ онцлогтой.
Цахиур төмөр ХХК нь 2001 оноос Энэтхэг улсын Хималай Драг компанийн эмийн болон эмийн бус бүтээгдэхүүнийг албан ёсоор оруулж, одоог хүртэл ард иргэдийн эрүүл мэндийн төлөө хамтран ажиллаж байна. Хималай Драг компани нь аюурведийн анагаах ухааны дагуу ургамлын гаралтай, аюулгүй жорыг орчин үеийн технологитой хослуулан бүтээгдэхүүн үйлдвэрлэдгээрээ давуу талтай.
Энэхүү өдөрлөгөөр Аюурведийн анагаах ухаан, хамтын ажиллагаа зэрэг сэдвээр ярилцаж, санал хүсэлт солилцлоо.
